Sākumlapa

Vyss aktualuokais teik izstuosteits, nūfotogafiets i paruodeits myusu FB kontā

Festivals „Muzykys Skrytuļs‟ aicynoj muzykantus i grupys pīsaceit sovu daleibu!

Daugovpiļs nūvoda Leiksnā 2018.gods 14. i 15. julī jau septeitū reizi nūtiks leluokais jaunuos latgalīšu muzykys festivals „Muzykys Skrytuļs‟, aicynojūt muzykantus, kuri vysaidūs žanrūs roda dzīsmes latgaliski.

Festivala sastdinis koncertūs uzastuos latgalīšu jaunuos grupys i byus vareiba baudeit jau atpazeistamu grupu muziciešonu. Svātdin Leiksnys Vyssvātuos Jezus Sirds Ruomys katuoļu bazneicā nūtiks gareiguos muzykys koncerts.

Pasuokuma organizatori aicynoj muzykantus da 20. martam pīzasaceit daleibai festivālā: https://www.surveymonkey.com/r/5H7P3QV

kai arī izsludynoj konkursu iz breivpruoteigūs paleigu vītom:
https://www.surveymonkey.com/r/5B5V375

Jaunuos latgalīšu muzykys festivals „Muzykys Skrytuļs‟ pyrmū reizi tyka reikuots 2005.godā ar mierki popularizēt latgaliskū identitati i sekmēt jaunu dzīsmu radeišonu latgaliski. Festivals visim apmaklātuojim ir bez moksys. Festivalu tradicionali reikoj Daugovpiļs nūvoda Kulturys puorvaļde, Leiksnys pogosta puorvaļde i festivala iniciatoru grupa.

Kontaktinformācija:

Festivāla koordinatores:

Sanita Pinupe, mob. +371 26058951, e-pasts: sanita.pinupe@gmail.com

Gunta Mežule un Anna Briška, mob. + 371 26439059, e-pasts: skrytuls@gmail.com

Sabiedriskās attiecības:

Juris Viļums, mob. + 371 26393531, e-pasts: jureits@jureits.lv